كانت فاكرة انها نسيت أو على الأقل اتعودت على حياتها من ساعة ماسابها….عادى يعنى الدنيا مش بتقف لما حد يفارق….النهاردة كانت قاعدة تقرا فى حالها…شارع من شوارع القاهرة و بالتحديد الكوربة اتذكر اكتر من مرة….افتكرت لما كلمها مرة من هناك…كان بقالوه كتير اياميها ماعبرهاش و هى ساعتها كلمته و هى زعلانة و ماكنتش عارفة ترد عليه….المهم ….حاولت تنسى… عادى…. شارع من الشوارع ….بيكره تامر حسنى و كذا مرة يقول كده قدامها ….و اليومين دول كل الناس فى كل حتة بتتكلم عن فيلم تامر و شريط تامر الجديدحتى قناتى مولتى و مش حتقدر تفتح عينيك بيجيبوا الأغنية بتاعت الفيلم كل شوية!!!!….يادى النيلة….ليه بس كده ياربى….مش ناقصة خالص….عايزة تصرخ….ايييييييييييييييه انت كلكوا عليا و لا ايييييييييييه؟؟ على رأى محمد صبحى فى مسرحية تخاريف….فعلا اظاهر انها بدأت تخرف….صحابها نصحوها تعمل حاجات بتحبها….ماشى….بتحب ايه؟؟….القراية….حفلات موسيقية بس تكون فعلا حلوة و ترتقى بالذوق الانسانى….ايه الكلام المكلكع ده….ماعلينا….فين؟؟ المكتبة …..يادى النيلة ….بتفتكر هناك عشان شافته كذا مرة ….لأ….مش كده يعنى….كده كتييييييييييييير ….لازم اجى على نفسى و اتعايش مع الواقع المرير….طيب يافالحة….تعالى نروح الكافيه الفلانى ….لأ اصله بيحب يروح هناك….طب الريسترانت العلانى….لأ برضه ….ليه؟؟؟ يادى الخيبة….اصل مرة صادفته هناك….. امال اللى يشوفك بس يقول بنت بارم ديله ليه….مانا على فكرة عايزة اقول حاجة مهمة….انا و لا جامدة و لا شاطرة و لا نيلة ….ليه كل ماتروح حته تفتكره؟؟ ليه دايما بنربط الأشخاص بالأماكن؟؟ لييييييييييييييييييييه؟؟؟ و انفجرت فى البكاء!!!!!
ليست هناك تعليقات:
إرسال تعليق