"جى من بلادى البعيدة لا زاد و لا مية
و غربتى صحبتى بتحوم حواليا"
و بلادى دى هى نفسى…بحسها بعيدة قوى…ممكن اسافر فيها أيام و شهور…و برضه فى الآخر ما وصلش…البلاد كتير و كلها ضد بعضها…و أنا ساعات ببقى مبسوطة بالغربة دى…و ساعات بتعب منها…بس أنا عارفة إنه لسة بدرى…و كل ما حامشى فيها أكتر حبعد عن نقطة الوصول أكتر…فى الرحلة دى بقى…الحاجة الوحيدة اللى حشيلها معاى هى إيمانى إن لسة فى ناس حلوة فى السكة…ناس حتهون الطريق…و شوية حب و صبر إن الحاجات المتعبة بتعلمنى أكتر ما بتوقعنى…و إن أنا دايماً مش لوحدى
"و ده حب ايه ده اللى من غير أى حرية"
الحب حرية…قوة…اللى بيحبك بيحبك و انت تعبان و انت مبسوط …و انت بتقع و انت بتكبر…و انت بتفكر و انت بتعيش لحظات حلوة معاه…الحب إنك تفرد دراعك و تسيب نفسك للهوا و انت عارف كويس إن فى حد حيحضنك و يحتويك …الحب إنك دايماً تحسه خايف على نفسك أكتر منك…مؤمن بيك و بالحاجات الكتير اللى جواك بتتعارك مع بعضها…بيقولك إن الحاجات دى هى اللى بتميزك …و هى اللى بتخليك أحلى انسان فى عيني…
"و الدنيا مالت عليا"
كتير قوى…بس ده يمكن عشان كانت توقعاتى أكبر من الناس…بس هو الحقيقة أنا عمرى ماكانت توقعاتى كبيرة…أنا فى الأساس انسانة ممكن كلمة ترفعها السما و كلمة تنزلها تحت الأرض…هو كتير إن الانسان يبقى نفسه فى كلمة حلوة من حد بيحبه؟؟ هو كتير إنى أرفض ألبس أقنعة أنا مش مقتنعة بيها؟؟ هو كتير إنى اتمنى حد قوى جنبى يكملنى؟؟
"قلبى ضايع مين يلاجيهلى"
ادينى بدور و حلاقيه أكيد…يمكن مش دلوقتى…اللقا نصيب
"يا عزيزة يا بنت السلطان …لو يتغير الزمان و قابلتينى فى أى مكان …كنت اعشق من غير ما تقولى"
بس أنا بحبكوا قوى و ممكن ماقولش بس أنا عندى مشكلة مستعصية فى إنى أقول بحب
ريهام سعيد
يارا محمود
مى صوان
فدوى فريد
مى احمد عباس
العين الجارية
تسنيم فهيد
لبنى احمد
شيماء على
مروة :)
ردحذفأنا كمان بحبك اوي :)
انا مبسوطة اوي بالليستة دي ..
انا كنت مكتئبة جدا و الله ..
بس لما شوفت اسمي ..
و الله مسحتي احساسي بالوجع .. انا متشكرة اوي يا حبيبتي على الاحساس اللي حسيته دة ..
:)
شكرا جدا
انتي جميلة أوي يا بنتي .. بحبك كتيييير
ردحذفوبحب من اللستة بتاعتك ريهام وتسنيم وشيماء .. بجد محظوظة بيكم جدا
:)
مروة انتي فين؟ قلقانة عليكي
ردحذفو انتى أجمل يا لبنى...أنا اللى محظوظة طبعا :)
ردحذفأحبك الله يا مروة
ردحذف:)
ماتعرفيش النوتة دى غالية عندى ازاى
♥♥♥♥
انتى اغلى عندى يا ندى :)
ردحذف